सप्तरीमा मोटरसाइकल दुर्घटना हुँदा एक जनाको मृत्यु

राजविराज । सप्तरीमा मोटरसाइकल दुर्घटना हुँदा एक जनाको मृत्यु भएको छ ।
सप्तरीको शम्भुनाथ नगरपालिका १२ डेडेवा पोखरीमा बिहीबार राती प्रदेश नं. २–०१–००२ प ५०५२ नम्बरको मोटरसाइकल दुर्घटना हुँदा मोटरसाइकल चालक बिष्णुपुर गाउँपालिका वडा नम्बर ७ का ४७ वर्षीय मात्रिका प्रसाद यादवको मृत्यु भएको हो ।
दुर्घटना भई बाटोको उत्तर पट्टि साईडमा मोटरसाइकल चालक यादव फेला परेको र उनलाई तत्कालै उपचारको लागि राजविराजस्थित गजेन्द्र नारायण सिंह अस्पताल पठाएकोमा चिकित्सकले मृत घोषणा गरेको जिल्ला प्रहरी कार्यालय सप्तरीले जनाएको छ ।
मृतकको शव पोष्टमार्टम गरिएको तथा घटना सम्बन्धमा थप अनुसन्धान भईरहेको सप्तरी प्रहरीले जनाएको छ ।