सप्तरीमा सात फिट लामो दुर्लभ अजिङ्गर फेला

राजविराज, ८ चैत । सप्तरीमा बुधबार दिउँसो सात फिट लामो दुर्लभ अजिङ्गर फेला परेको छ ।
जिल्लाको हनुमाननगर कंकालिनी नगरपालिका ८ जोगिनिया स्थित योगनी दिनेश आधारभूत विद्यालयमा सात फिट लामो अजिंगर फेला परेको हो ।
फेला परेको अजिंगरलाई इलाका प्रहरी कार्यालय हनुमाननगर ल्याइएको छ। राजविराजस्थित डिभिजन वन कार्यालय सँग समन्वय गरेर फेला परेको अजिंगरलाई आरक्षको जिम्मा लगाउने तयारी भइरहेको जिल्ला प्रहरी कार्यालय सप्तरीले जनाएको छ ।
अजिंगरहरु आसपासको जंगल, कोशी टप्पु वन्य जन्तु आरक्ष र सप्तकोशी नदी हुँदै बगेर सप्तरीको हनुमाननगर कंकालिनी, कञ्चनरुप र सप्तकोशी नगरपालिका तथा तिलाठी कोइलाडी गाउँपालिका क्षेत्रमा प्रत्येक वर्ष आउने गरेको छ ।