कञ्चनरुप- १ बैरवामा आगलागी हुँदा लाखौंको क्षति

कञ्चनरुप । सप्तरीको कञ्चनरुप नगरपालिका -१ बैरवामा आगलागी हुँदा लाखौंको क्षति भएको छ । मंगलबार राती १२ बजे अनिल साहको घरमा आगलागी हुँदा लाखौंको क्षति भएको हो ।
अचानक साहको टिनले छाएको घरमा आगलागी हुदाँ घरमा रहेको चामल, गहु, १ थान साईकल र घरममा रहेको लताकपडा, काठ र घरसहित गरि तीन लाख बराबरको सामान जलेर नष्ट भएको स्थानिय अनिल पन्जियारले जानकारी दिएका छन ।
कञ्चनरुप नगरपालिकाको दमकल, स्थानीय बासी, ईलाका प्रहरी कार्यालय कञ्चनपुरको सहयोगमा आगो नियन्त्रणमा लिएको प्रहरीले जनाएको छ ।