कञ्चनरूप, १२ श्रावण । धरौटी तिर्न नसकेपछि सप्तरीको एक जना मिटरब्याजीका अभियुक्तलाई पुर्पक्षका लागि कारागार चलान गरिएको छ ।
राजविराज- ७ बस्ने वर्ष ६४ को रामा प्रसाद साहु पूर्पक्षका लागि कारागार चलान भएका हुन् ।
अनुचित लेनदेन सम्बन्धमा राम कृष्ण यादव, कौशल्या देवी, सुजान देवी साहसमेतको जाहेरीका आधारमा साहु विरुद्ध ठगी तथा अपराधिक विश्वासघात मुद्दामा अनुसन्धान पछि प्रहरीले जिल्ला अदालतमा फाइलहरू पेस गरेको थियो ।
मिटरब्याजीका रुपमा परिचित साहुलाई १८ लाख धरौटी खोलिएकोमा उनले तिर्न नसक्दा शुक्रबार कारागार कार्यालय सप्तरी चलान गरिएको जिल्ला प्रहरी कार्यालय सप्तरीले जानकारी दिएको छ।
Add Comment