रूपनगर चोकको जीर्ण बनेको राष्ट्रिय झण्डा नयाँ फेरियो

कञ्चनरुप, ३१ भदौ । पूर्वपश्चिम लोकमार्ग अन्तगर्त सप्तरी जिल्लाको कञ्चनरूप नगरपालिका वडा नम्बर १२ स्थित रूपनगर चोकमा जीर्ण अवस्थामा पुगेको राष्ट्रिय झण्डा नयाँ फेरीएको छ ।
राष्ट्रिय झण्डा जीर्ण अवस्थामा पुगेपछि सामाजिक सञ्जाल फेसबुकमा समेत यस विषयमा चर्चा चलेको थियो ।
केहीदिन अगाडि झण्डा च्यातिएको देखेर सामाजिक सञ्जालमा गुनासोहरु आएको देखेर कञ्चनरुप–९ मा रहको आर डि मेमोरियल बोर्डिङ्ग स्कुलले झण्डालाई फेरेको हो ।

आर डि मेमोरियलका शिक्षक/शिक्षिका तथा विद्यार्थीहरु लगायत पुगेर आइतबार नयाँ झण्डा फेरेका हुन् ।
‘सामाजिक सञ्जालमा झण्डा फेर्नुपर्ने कुरा उठेपछि हाम्रो टोली पुगेर नयाँ झण्डा फेरेको हो,’ आर डि मेमोरियलका संस्थापक प्रकाश दासले भने ।
झण्डा फेरिएपछि रुपनगर चोकको सौन्दर्य बढेको छ ।