सप्तरीमा अन्दाजी ४५ बर्षका एक पुरुषको वेवारिसे शव फेला

कञ्चनरुप, ३ असोज । सप्तरीमा बेवारिसे अवस्थामा मंगलबार एक पुरुषको शव फेला परेको छ ।
जिल्लाको सुरूङ्गा नगरपालिका –४ कदमाहा टोल स्थित गाँउदेखी ३ सय मिटर पश्चिममा स्थानिय भुनेश्वर साफीको रेखदेखमा रहेको माछा पोखरीमा अन्दाजी ४०/४५ वर्षको पुरुषको शव फेला परेको सप्तरी प्रहरीले जनाएको छ ।
नाम, थर ठेगाना नखुलेको पुरुष मृत अवस्थामा फेला परेको जिल्ला प्रहरी कार्यालय सप्तरीले जनाएको छ ।
शव जाँच मुचुल्का लगायतका कार्य सम्पन्न गरि मृत शवको पोष्टमार्टमको लागि प्रादेशिक अस्पताल लहान सिरहामा पठाईएको प्रहरीले जनाएको छ ।
प्रहरीले उक्त घटना सम्वन्धमा थप अनुसन्धान कार्य गरिरहेको र शवको सनाखत हालसम्म नभएकाले निम्नानुसारको हुलिया खुलाई परिपत्र गरिएको हुँदा चिनेजानेको पहिचान हुन आएमा नजिकको प्रहरी कार्यालय तथा जिल्ला प्रहरी कार्यालय सप्तरीमा जानकारी गराउन अनुरोध गरेको छ ।
मृतकको हुलिया :-
१. मंगोलियन अनुहार, उचाई ५ फिट ३ ईन्च भएको, हातमा तीन वटा स्टारको आकारको ट्याटु भएको, जिन्सको पाईन्ट र भेष्ट लगाएको बर्ष अं ४०–४५ बर्ष जतिको देखिने पुरुष मानिस