चितवन, १० मंसिर । चितवनमा ट्रक पल्टिदा २ जनाको मृत्यु भएको छ भने अन्य दुई जना घाइते भएका छन् ।
आइतबार बेलुका नारायणघाटबाट काठमाडौं आउँदै गरेको बागमती प्रदेश ०३-००१ ख ३४९० नम्बरको ट्रक चितवनको नौं किलोमा सडकमा पल्टिएर दुर्घटना भएको हो ।
दुर्घटनामा मकवानपुरका ३८ वर्षीय श्याम बजगाई र सोही ठाउँका ३१ वर्षीय दीपक दाहालको उपचारका क्रममा मृत्यु भएको प्रहरीले जनाएको छ।
ट्रकमा च्यापिएको अवस्थामा उनीहरुलाई उद्दार गरी भरतपुर अस्पताल लगिएको थियो। घाइते दुईजनाको भरतपुर अस्पतालमा उपचार भइरहेको छ।
