विराटनगर, मंसिर २६ गते । मोरङ प्रहरीले रंगेली नगरपालिका-८ स्थितबाट स्रोत नखुलेको रकम सहित एक जना महिलालाई पक्राउ गरेको छ । पक्राउ पर्नेमा रंगेली नगरपालिका-८ दर्वेशा की ६५ वर्षीया ज्योति देवी अग्रवाल रहेको प्रहरीले जनाएको छ ।
मंगलबार अग्रवालले घरमा अवैध रकम राखेको छ भन्ने बिशेष सुचनाको आधारमा इलाका प्रहरी कार्यालय रंगेलीबाट खटिएको प्रहरी टोलीले उनको घर कोठा खानतलासी गर्दा टिनको बाकसमा राखेको स्रोत नखुलेको १ हजार र ५०० दरका नेपाली रुपैंया ४७ लाख ४९ हजार बरामद गरेको हो ।
उक्त रकम वरामद भए संगै घर धनी अग्रवाल समेतलाई नियन्त्रणमा लिई आवश्यक थप अनुसन्धान भईरहेको जिल्ला प्रहरी कार्यालय मोरङले जनाएको छ ।
विज्ञापन
