कञ्चनरूप, १५ पुस । नेपाल प्रिमियर लिग (एनपिएल) विजेता टोली जनकपुर बोल्ट्सका खेलाडीलाई सप्तरीमा सोमबार स्वागत गरिएको छ ।
सप्तरी जिल्लाका विभिन्न ठाउँमा खेलाडीलाई स्वागत गरिएको हो ।
सप्तरी सदरमुकाममा परिक्रमा गरी विजय उत्सव मनाइएको थियो । खेलाडी सहभागी रहेको र्यालीमा हजारौँ समर्थक सहभागी थिए ।
खेलाडीलाई बाजागाजासहित स्वागत गर्दै ट्रफी परेड गरिएको थियो ।
कप्तान अनिल साहको नेतृत्वको टोलीलाई स्थानीयले चोकचोकमा टोलीको विजयमा हर्षबढाइँ गरेका थिए ।
उपाधिसहित मधेस प्रदेशका आठवटै जिल्लामा पुग्ने पूर्वघोषित कार्यक्रमअनुसार विजयी टोली सप्तरी आएको हो ।
