काठमाडौं । काठमाडौंको धोबीखोला पुलबाट कार खसेको छ । काठमाडौं महानगरपालिका-२९ स्थित मदन भण्डारी कलेज नजिकैबाट बीएए ८७१४ नम्बरको कार पुलबाट खोलामा खसेको हो।
काठमाडौं प्रहरीका अनुसार आइतबार बिहान ३:१३ बजेतिर अनामनगरबाट बानेश्वर जाँदै गरेको कार धोवीखोलामा खसेको हो।
उक्त कार ललितपुर महानगरपालिका -१ का ४६ वर्षीय विनित विक्रम सितापतिले चलाएका थिए । उनी भने सकुशल रहेको प्रहरीले जानकारी दिएको छ । अहिले उक्त कार खोलाबाट निकालिएको छ ।
