देशभर थप ५ हजार ५८३ जनामा कोरोना संक्रमण ,८ हजार २६७ जना संक्रमणमुक्त, ९ जनाको मृत्यु

काठमाडौँ । देशभर आज थप ५ हजार ५ सय ८३ जना संक्रमित थपिएका छन् ।
स्वास्थ्य तथा जनसंख्या मन्त्रालय आज १० हजार ७ सय ७६ वटा नमुनाको पिसिआर परीक्षण गर्दा ३ हजार ६ सय ५७ जनामा र ६ हजार ८ सय ९८ वटा एन्टिजेनको नमुना परीक्षण गर्दा १ हजार ९ सय २६ गरी ५ हजार ५ सय ८३ जनामा कोरोना संक्रमण पुष्टि भएको हो ।
योसंगै कुल संक्रमितको संख्या ९ लाख ५७ हजार ५ सय ७० पुगेको स्वास्थ्य मन्त्रालयले जनाएको छ ।
त्यस्तै, आज ८ हजार २ सय ६७ जना संक्रमणमुक्त भएका छन् । हालसम्म आठ लाख ७१ हजार १६५ जना संक्रमणमुक्त भएका छन् ।
कोरोना संक्रमणबाट आज थप ९ जनाको मृत्यु भएको छ । योसँगै कोरोना संक्रमणबाट नेपालमा मृत्यु हुनेको संख्या ११ हजार ७ सय ५२ पुगेको मन्त्रालयले जनाएको छ ।
देशभर ७४ हजार ६ सय ५३ जना सक्रिय संक्रमित रहेका छन् ।