देशभर ६२ जनामा कोरोना संक्रमण पुष्टि , २ सय ६१ जना सक्रिय संक्रमित

काठमाडौँ । नेपालमा पछिल्लो २४ घण्टामा थप ६२ जनामा कोरोना संक्रमण पुष्टि भएको छ ।
पछिल्लो २४ घण्टामा देशभर १ हजार ६२० जनाको आरटी पीसीआर र एन्टिजेन विधिबाट परीक्षण गर्दा ६२ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
१ हजार ८ जनाको पीसीआर विधिबाट परीक्षण गर्दा ५१ जना र ६ सय १२ जनाको एन्टिजेन विधिबाट परीक्षण गर्दा ११ जनामा कोरोना पुष्टि भएको हो । योसँगै नेपालमा कोरोना संक्रमितको कुल संख्या ११ लाख २० हजार ११२ पुगेको छ ।
त्यस्तै नेपालमा थप १९ जना संक्रमितहरु निको भएका छन् । योसँगै नेपालमा कोरोना संक्रमणमुक्त हुनेहरुको कुल संख्या ९ लाख ६७ हजार ४४५ पुगेको छ ।
हाल २ सय ६१ जना कोरोना संक्रमितहरु उपचाररत छन् ।