कञ्चनरुप, ४ जेठ । सप्तरीमा ट्रकको ठक्करबाट ६० वर्षीय पुरुषको मुत्यु भएको छ । मृत्यु हुनेमा जिल्लाको खडक नगरपालिका—५ खरचुहियाका ६० वर्षीय माखन साह रहेको सप्तरी प्रहरीले जनाएको छ ।
सप्तरीको खडक नगरपालिका–५ स्थित पूर्वपश्चिम राजमार्गमा शुक्रबार बिहान पश्चिमबाट पूर्वतर्फ जाँदै गरेको ना ८ ख २८१६ नम्बरको मालवाहक ट्रकले ठक्कर दिँदा साहको मृत्यु भएको हो ।
पूर्वबाट पश्चिमतर्फ जाँदै गरेको ट्रकले बिपरित दिशाबाट आउँदै गरेको साईकल यात्री खरचुहिया निवासी साहलाई ठक्कर दिंदा घट्ना स्थलमै ज्यान गएको प्रहरीले जनाएको छ ।
मृतक साहको शव राजविराज स्थित गजेन्द्रनारायण सिंह अस्पतालमा रहेको छ ।
ट्रक र चालक प्युठानको छिन्ताङ बस्ने बमबहादुर पुनलाई प्रहरीले नियन्त्रणमा लिएको जिल्ला प्रहरी कार्यालय सप्तरीले जनाएको छ ।
