सप्तरी , २३ चैत । सप्तरीको तिलाठी कोइलाडीमा गए राति आगलागी हुँदा लाखौंको क्षति भएको छ ।
जिल्लाको तिलाठी कोइलाडी गाउँपालिकामा वडा नम्बर ६ निवासी सुधांशुप्रसाद सिंहको गोठ र स्टोर कोठामा गएराती ९ः३० बजेको समयमा आगलागी हुँदा लाखौको क्षति भएको हो ।घरभित्र रहेको सन्दुक, लत्ताकपडा, भाडावर्तन, नगद जिन्सी तथा विभिन्न सरसामान जलेर नष्ट हुँदा ६ लाख बराबरको क्षति भएको जिल्ला प्रहरी कार्यालय सप्तरीले जनाएको छ ।
कसरी आगलागी भएको भने खुल्न सकेको छैन ।स्थानीयवासी, प्रहरी र हनुमाननगर कङ्कालिनी नगरपालिकाबाट गएको बारुणयन्त्रले आगो नियन्त्रमा लिएको थियो । यस्तै तिरहुत गाउँपालिका–४ डिमनमा पनि आज बिहान भगवती यादवको घर अगाडि जम्मा गरिएको गहुँ बाली जलेर नष्ट भएको छ ।
करिब दुई बिघा जमिनमा लगाइएको गहुँ बाली नष्ट भएको स्थानीयले बताएका छन् ।
![](https://kanchanrupnews.com/wp-content/uploads/2023/07/md.png)
![](https://kanchanrupnews.com/wp-content/uploads/2023/07/md.png)
![](https://kanchanrupnews.com/wp-content/uploads/2023/07/358599309_657060879775461_8596056188687646554_n-1.jpg)
![](https://kanchanrupnews.com/wp-content/uploads/2023/07/358599309_657060879775461_8596056188687646554_n-1.jpg)
Add Comment