सुन्दर हरैचामा हात्तीको आक्रमणबाट एक वृद्धको मृत्यु

विराटनगर । मोरङको सुन्दर हरैचामा हात्तीको आक्रमणबाट एक वृद्धको मृत्यु भएको छ । मंगलबार जंगली हात्तीको आक्रमणबाट सुन्दरहरैचा १० का ७३ वर्षीय अजय बास्तोलाको मृत्यु भएको हो ।
घाँस काट्न स्थानीय वनमा गएको अवस्थामा अजय र उनकी श्रीमती जानुकालाई जंगली हात्तीले आक्रमण गर्दा जानुका भागेर बाँच्न सफल भएको मोरङ प्रहरीले जनाएको छ।
प्रहरीका अनुसार अजयलाई जंगलमै हात्तीले मारेको अवस्थामा शव फेला पारिएको छ ।