महोत्तरीबाट नक्कली नोटसहित एक पक्राउ

प्रहरीले नक्कली नोटसहित एक जनालाइ पक्राउ गरेको छ ।
जिल्ला प्रहरी कार्यालय महोत्तरीले ११ हजार नक्कली नोटसहित भारतीय नागरिक रमन कुमारलाइ पक्राउ गरेको हो ।
जलेश्वर नगरपालिका ३ स्थित मालिबाडाको घुम्ती पसलमा नेपाली पैसा साटन खोज्दा स्थानीयहरुले नक्कली नोट भएको थाहा पाएपछि बिहीबार विहारको ग्राम पन्चायत बस्ने रमनलाई नियन्त्रणमा लिएका थिए । खबर पाउनेबित्तिकै प्रहरी चौकी भिठामोडबाट प्रहरी नायब निरीक्षक नारायण दनुवारको कमाण्डमा खटिएको प्रहरीले नक्कली नोटसहित रमनलाई पक्राउ गरेको हो। 
पक्राउ परेका रमनमाथि अनुसन्धान भइरहेको जिल्ला प्रहरी कार्यालय महोत्तरीले जनाएको छ।