३ सय ५० किलोग्राम गाँजा बोकेको पिकअप सहित २ जना पक्राउ

सुनसरी, १ फाल्गुन । सुनसरी प्रहरीले जिल्लाको देवानगंज गाउँपालिका ६ स्थितबाट गाँजा बोकेको पिकप गाडी सहित २ जनालाई पक्राउ गरेको छ । पक्राउ पर्नेमा गाडी चालक धरान–१६ सुनसरीका २७ वर्षीय पुर्ण बहादुर राई र सहचालक बिजय राई रहेका छन् ।
आइतबार राती साढे १० बजे राजगंज सिनवारी-कप्तानगंज स्थित भित्री सडक खण्डमा इलाका प्रहरी कार्यालय देवानगंजबाट खटिएको गस्ती टोलीले को १ ज १६६१ नम्वरको अम्लिसोको कुचो बोकेको पिकअप गाडीलाई संका लागि चेक जाँच गर्ने क्रममा कुचो भित्र लुकाई राखेको ३ सय ५० किलोग्राम (७ बोरा) गाँजा बरामद गरेको हो ।
गाँजा बोकेको पिकअप गाडी सहित पक्राउ परेका दुबै जनाको जिल्ला प्रहरी कार्यालय सुनसरीबाट थप अनुसन्धान भईरहेको जनाइएको छ ।