बिराटनगर, २५ असार । सुनसरी प्रहरीले धरान उप महानगरपालिका ३ कैलाशपथ स्थितबाट प्रतिबन्धित लागुऔषध ब्राउनसुगर सहित एक जनालाई पक्राउ गरेको छ । पक्राउ पर्नेमा भारत घर भई हाल धरान बस्दै आएका २७ बर्षीय हिमाल चौधरी रहेका छन ।
सोमबार दिउँसो ईलाका प्रहरी कार्यालय धरानबाट खटिएको प्रहरी टोलीले चौधरीलाई शंकास्पद अवस्थामा फेला पारी चेकजाँच गर्दा उनको साथबाट १४ ग्राम ब्राउनसुगर र नगद १ लाख ९६ हजार ५ सय रुपैँया फेला पारी पक्राउ गरेको हो ।
पक्राउ परेका चौधरीको ईलाका प्रहरी कार्यालय धरानबाट थप अनुसन्धान भईरहेको प्रहरीले जनाएको छ ।
विज्ञापन
