कञ्चनरुप, २८ असार । सप्तरी प्रहरीले ठुलो परिमाणको लागूऔषध सहित दुई जनालाई पक्राउ गरेको छ । पक्राउ पर्नेमा जिल्लाको सुरुङ्गा नगरपालिका १ पन्द्रकठ्ठेका अनोज कुमार केसी र घनश्याम राउत रहेको जिल्ला प्रहरी कार्यालय सप्तरीले जनाएको छ ।
सुरुङ्गा १ पन्द्रकठ्ठेमा लागूऔषधको कारोबार भइरहेको छ भनि खबर प्राप्त हुन साथ ईलाका प्रहरी कार्यालय भेडियाको प्रहरी टोलिले सूचना वमोजिमको घरमा रितपूर्वक खानतलासि गर्दा एसपीएम पाइरोक्सभेन प्लस लेखिएको २ सय २४ थान ट्याब्लेट, डाईलेक्स डीसी उल्लेख भएको १ सय ५९ बोतल कोरेक्स र २०० ग्राम गाँजा बरामद भएको छ ।
पक्राउ परेका दुबै जनालाई लागूऔषध सम्बन्धी मुद्धामा जिल्ला अदालत सप्तरीबाट बिहीबार म्याद थप लिई अनुसन्धान भइरहेको प्रहरीले जनाएको छ ।
Add Comment