राजविराज नगरपालिकाले डोजरको प्रयोग गरी हटियाको अतिक्रमण गरिएका अवैध संरचना हटाउँदै

राजविराज, १२ श्रावण । सप्तरीको राजविराज नगरपालिकाको हटियामा आज जग्गा अतिक्रमण गरेर निर्माण गरिएका अवैध संरचना हटाइएको छ । नगरपालिकाले प्रहरीसँग समन्वय गरी सो अवैध संरचना हटाएको हो ।

नगरपालिकाले डोजरको प्रयोग गरी वडा नम्बर ७ स्थित हटिया क्षेत्रमा अतिक्रमण गरेर निर्माण गरिएका अवैध संरचना हटाइरहेको छ ।
नगरपालिकाले सार्वजनिक जग्गा खाली गर्न सूचना जारी गरेको थियो । आग्रहका बाबजुद पनि नहटाएपछि डोजर लगाएर भत्काउन थालिएको राजविराज नगरपालिकाले जनाएको छ ।