कञ्चनरुप(सप्तरी), २२ माघ । नेपाल कम्युनिस्ट पार्टी एमालेद्वारा सप्तरीको डाक्नेस्वरी नगरपालिकाको पातो बजारमा आयोति बृहत पार्टी प्रवेश कार्यक्रम भव्य रुपमा सम्पन्न गरेको छ ।
डाक्नेश्वरी नगरपालिकाको उपमेयरको प्रत्यासी तथा जसपा नेपालको महिला मन्चको सप्तरी जिल्ला अध्यक्ष, जिल्ला कमिटी सदस्य महिन्द्र यादव, नेपाली कांग्रेसका नेता रामबाबु मण्डल, मो. मुस्लिम ,नेकपा माओवादीका तुलसी प्रसाद यादव लगायत विभिन्न पार्टी परित्याग गरी ५ सय ७५ जना नेकपा एमालेमा प्रवेश गरेको एमाले सप्तरी सचिव देवनाथ यादवले बताएका छन्।
नव प्रवेशीहरुलाई नेकपा एमालेका पोलिटब्युरो सदस्य तथा राष्ट्रिय सभा संसदिय दलका नेता सुमनराज प्याकुरेल, केन्द्रिय सदस्य एवं सप्तरी ईन्चार्ज दिवाकर देवकोटा, केन्द्रिय सदस्य एवं सप्तरी सह इन्चार्ज राजकुमार लेखी, सप्तरी जिल्ला अध्यक्ष ताराकान्त चौधरी लगायतका नेताहरुले फूलको माला ,अबिर र गम्छा लगाई पार्टीमा स्वागत गरी पार्टी प्रवेश गराएको जिल्ला सचिव यादवले बताए ।
Add Comment