सप्तरी, ९ चैत । संविधान सभा सदस्य एवं नेकपा (एमाले) नेतृ रञ्जु ठाकुर जनता समाजवादी पार्टी (जसपा) मा प्रवेश गर्नुभएको छ ।
बुधबार जसपाले राजविराजमा आयोजना गरेको पार्टी प्रवेश कार्यक्रममा उहाँ जसपा प्रवेश गर्नुभएको हो ।
यसअघि एमालेको समानुपातिक कोटाबाट संविधान सभा सदस्य हुनुभएको उहाँ त्यही बेला महिला, बालबालिका, ज्येष्ठ नागरिक समितिका सभापति समेत हुनुभएको थियो ।
सोही अवसरमा सप्तरी उद्योग वाणिज्य संघका पूर्वअध्यक्ष एवं नेपाल आदिवासी जनजाति महासंघ सप्तरीका अध्यक्ष अरुण प्रधान लगायत पनि जसपा प्रवेश गर्नुभएको छ ।
कार्यक्रममा उहाँहरुलाई जसपा अध्यक्ष उपेन्द्र यादव र भौतिक पूर्वाधार तथा यतायात मन्त्री रेणु कुमारी यादवले स्वागत गर्नुभएको छ ।
Add Comment