सप्तरीका सिडिओ थापाको सरुवा, किरण थापा आउँदै

सप्तरी, ३० साउन । सप्तरीका प्रमुख जिल्ला अधिकारी (सिडिओ) भुपेन्द्र थापाको सरुवा भएको छ । प्रेस स्वतन्त्रता विरोधी उर्दी जारी गरेपछि विवादमा मुछिएका सिडिओ थापा चितवन सरुवा हुनु भएको हो ।
थापाको जिल्ला प्रशासन कार्यालय चितवन सरुवा भएको गृह मन्त्रालयका निजामती कर्मचारी प्रशासन शाखाका उपसचिव कृष्ण प्रसाद शर्माले जानकारी दिनुभयो ।
थापाको ठाउँमा नुवाकोटबाट किरण थापा सप्तरीको प्रमुख जिल्ला अधिकारीमा आउने उहाँले जानकारी दिनुभयो ।
सिडिओ थापा विरुद्ध सप्तरीका पत्रकारहरु एक हप्तादेखि संघर्षमा छन् ।