विराटनगर, २२ कात्तिक । मोरङको रंगेलीमा पर्खालले किचेर नाबालिकाको मृत्यु भएको छ । रंगेली नगरपालिका-८ निचामारी स्थितमा पर्खालले किचेर कसरलाल ताजपुरियाको २ वर्षीया छोरी शोभा ताजपुरियाको मृत्यु भएको हो ।
बुधबार साँझ साढे ५ बजे आफ्नै घरमा ईटाले बनेको मन्दिरको पर्खाल अचानक झरेर किच्दा नाबालिका सख्त घाईते भएकी थिइन् । घाइते शोभालाई उपचारको लागि रंगेली अस्पताल मोरङ पुर्याउनासाथ डाक्टरले मृत घोषित गरेको गरेको कोशी प्रदेश प्रहरी कार्यालय विराटनगरले जनाएको छ ।
घटना सम्बन्धमा थप कानूनी कारबाही भईरहेको इलाका प्रहरी कार्यालय रंगेलीले जनाएको छ ।
विज्ञापन
