मृगौला बेचविखन गरेको आरोपमा सप्तरीका रमेश पक्राउ

राजविराज। सप्तरी प्रहरीले मृगौला बेचविखन गरेको आरोपमा सप्तरीका एक जनालाई पक्राउ गरेको छ ।
पीडितको उजुरीका आधारमा बुधवार सुरुङ्गा नगरपालिका–१ शिशवारीका ३५ वर्षीय रमेश विश्वकर्मालाई पक्राउ गरी मानव वेचविखन विरुद्धको उजुरी दर्ता गरिएको इलाका प्रहरी कार्यालय कडरबोना, सप्तरीका प्रहरी निरीक्षक बीरेन्द्र पासवानले बताउनु भयो ।
काठमाडौंमा बस्दै आएका टिपर सह–चालक सुरुङ्गा नगरपालिका–१ शिशवारीका २४ वर्षीय दिपक भुजेललाई आरोपित विश्वकर्माले ललाईफकाई बुटवलसम्म पु¥याएका थिए । राम्रो पारिश्रमिक पाइने लोभ देखाई विशवकर्माले अपरिचित व्यक्तिको जिम्मा लगाई भारत पठाएको पीडितको आरोप छ ।
मादक पदार्थ खुवाई भारत पु¥याएका अपरिचित आरोपितले केही दिन होटलमा राखेको र बेहोस बनाई अस्पताल पु¥याएर वैशाख २ गते मृगौला निकालेको पीडितले बताए ।
उक्त अस्पतालमा १० दिन राखेपछि पाँच हजार दिएर गाडी चढाई घर पठाएको र गत शुक्रबार घर आइ पुगेको पीडितकी श्रीमती निरा भुजलले जानकारी दिनुभयो ।
अर्का आरोपितको पहिचान खुली सकेको छैन् ।
मानव बेचविखन अनुसन्धान ब्युरो काठमाडौंसँग समन्वय गरी अपरिचित आरोपितको खोजीकार्य गरिरहेको प्रहरी निरीक्षक पासवानले जानकारी दिनुभयो ।