नेपालमा आज १५ जनामा कोरोना संक्रमण पुष्टि , १ सय २ सक्रिय संक्रमित

काठमाडौं । नेपालमा आज १५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
पछिल्लो २४ घन्टामा देशभर गरिएको २ हजार ८६ पीसीआर परीक्षणबाट ९ जना र १ हजार १ सय २५ एन्टीजेन परीक्षणबाट ६ जनामा कोरोना संक्रमण पुष्टि भएको हो ।
त्यस्तै आज १३ जना संक्रमित निको भएका छन्। यो सहित निको हुनेको संख्या ९ लाख ६७ हजार १ सय १७ पुगेको स्वास्थ्य मन्त्रालयले जनाएको छ।
हाल नेपालमा १ सय २ जना सक्रिय संक्रमित रहेको मन्त्रालयले जनाएको छ ।