सप्तरी । यस वर्षको दसैँको टिकाको साइत सार्वजनिक भएको छ । जसअनुसार विजयादशमीको टिकाको उत्तम साइत कात्तिक ७ गते बिहान ११ः०२ बजे रहेको नेपाल पञ्चाङ्ग निर्णायक विकास समितिले जनाएको छ ।
कात्तिक ७ गते विजयादशमीका दिन बिहान १०ः३७ बजे देवी विसर्जनको साइत रहेको छ । देवी विसर्जन सकेपछि दुर्गाको प्रसाद ग्रहण गर्न दिनभर कुनै बाधा नभए पनि साइत खोज्नेका लागि बिहान ११ः०२ बजेको साइत दिइएको समितिले जनाएको छ ।
यस वर्षको बडादसैँ अर्थात् दुर्गा पक्षको सुरुआत भने असोज २८ गते आइतबार हुने र त्यस दिन बिहान ११ः२९ बजे घटस्थापना गर्ने साइत रहेको समितिले जानकारी दिएको छ ।
विज्ञापन
