कञ्चनरूप, १२ फागुन । सप्तरीको कञ्चनरूप नगरपालिका –६ स्थित जमुवाको एक घरमा आगलागी हुँदा लाखौँ मूल्य बराबरको क्षति भएको छ ।
आइतबार राति जमुवाको सरदार टोलका स्थानीय बचकुन सरदारको घरमा आगलागी हुँदा लाखौंको क्षति भएको हो ।
आगलागीबाट बचकुनको नगद ५० हजार तथा घर पूर्णरूपमा जलेर नष्ट भएको छ भने घरभित्र भएको खाद्यान्न, लत्ताकपडा, भाँडावर्तन लगायतका अन्य सामग्री जलेर नष्ट हुँदा ५ लाखको क्षति भएको वडा नम्बर ६ का वडा अध्यक्ष बच्चुलाल चौधरीले जानकारी दिनुभयो ।
त्यस्तै सोही आगलागीबाट विष्णु सरदारको भान्सा घर जलेर नष्ट हुँदा ५० हजार बराबरको क्षति भएको वडा अध्यक्ष चौधरीले बताउनुभयो ।
आगलागीको कारण हालसम्म खुल्न सकेको छैन । आगो स्थानीयवासी तथा सुरक्षाकर्मीले निभाएका थिए ।
