काठमाडौं , माघ ९ गते । अष्ट्रेलियामा जारी बिग बास लिग (बीबीएल) अन्तर्गत पर्थ स्कोरचर्सविरुद्ध होबार्ट हरिकेन्समा आवद्ध नेपाली लेगस्पिनर सन्दीप लामिछानेले उत्कृष्ट बलिङ गर्दै दुई विकेट लिएका छन्।
उनले आज ४ ओभरमा महत्पूर्ण २ विकेट लिएर २७ रन खर्चेका छन्। चौथो ओभरमा ६ रन खर्चेका सन्दीपले तेस्रो ओभरमा ७ रन दिएका थिए।
टिमका लागि आठौँ ओभर लिएर आएका सन्दीपले पर्थका अलराउन्डर मिचेल मार्शको विकेट लिएका हुन्।
७.५ ओभरमा मार्शलाई एलबीडब्यू आउट गरे। दोस्रो ओभरमा सन्दीपले मात्र ४ रन खर्चिए।
सन्दीपले आफ्नो पहिलो ओभरको चौथो बलमा लायम लिभिङस्टोनलाई २६ रनमा आउट गरेका थिए। पहिलो ओभरमा सन्दीपले एक छक्कासहित १० रन खर्चेर महत्वपूर्ण विकेट लिएका हुन्।
Add Comment