कञ्चनरूप, १० असोज । विराटनगरबाट उदयपुर गाइघाट जाँदै गरेको यात्रुवाहक बस साँझ ६ बजेतिर कोशी ब्यारेजको ३४ र ३६ नम्बरको ढोकाको बिचबाट झरेको छ ।
विराटनगरबाट गाईघाटतर्फ जादै गरेको को १ ख ४६०१ नम्बरको नरसिंह डिलक्सको बस कोसी ब्यारेजको पुलबाट नदीमा खसेको हो ।
बस साझ करिब ६:०५ मा कोशी ब्यारेजको पुलबाट तल नदीमा खसेको थियो ।
जिल्ला प्रहरी कार्यालय सप्तरीका अनुसार २० जना घाइतेलाई विभिन्न अस्पतालमा उपचारका लागि पठाइएको छ ।
बस आफैँ अनियन्त्रित भएर दुर्घटना भएको प्रहरीले जनाएको छ। ब्यारेजको ३४ र ३६ नम्बरको ढोकादेखि दक्षिणतर्फ रहेको वाल भत्काएर नदीमा खसेको प्रहरीले जनाएको छ।
बसमा कति यात्रु थिए भन्ने खुलिसकेको छैन।
बसका चालक सिरहाको लहान नगरपालिका वडा नम्बर ८ बस्ने ३५ बर्षीय चन्दन कुमार मेहतालाई प्रहरीले नियन्त्रणमा लिएको छ ।
विज्ञापन
