कञ्चनरूप । सप्तरीको हनुमाननगर कंकालिनी नगरपालिकाका शिक्षक कर्मचारीले सुरु गरेको आन्दोलनलाई निरन्तरता दिएका छन् ।
तलव माग्दै नगरपालिकाको कार्यालय अगाडि धर्ना दिन सुरु गरेका उनीहरुले बुधबार चौथो दिन पनि आन्दोलनलाई निरन्तरता दिएका छन् ।
गत साउन महिनादेखि हालसम्म पनि तलव नदिएपछि उनीहरु विद्यालय बन्द गरी नगरपालिका कार्यालय अगाडि धर्नामा बसेका छन् । मुख्य चाडको समयमा समेत तलव उपलब्ध नगराएपछि बाध्य भएर आन्दोलनमा उत्रनुपरेको शिक्षक राजकुमार पण्डितले बताउनुभयो ।
शिक्षक कर्मचारीहरु आन्दोलनमा उत्रेपछि नगरपालिकाभित्रका ३० विद्यालयको पठनपाठन चार दिनदेखि अवरुद्ध रहेको छ ।
विज्ञापन
