कञ्चनरूप, १९ कात्तिक । सप्तरी प्रहरीले वन मुद्दामा दोषी ठहर भइ फरार रहेका पाँच जना प्रतिवादीलाई पक्राउ गरेको छ ।
इलाका प्रहरी कार्यालय कञ्चनरूप र इलाका प्रहरी कार्यालय कल्याणपुरबाट खटिएको प्रहरी टोलीले वन मुद्दाका फरार प्रतिवादीलाई आइतबार नियन्त्रणमा लिएको हो ।
पक्राउ पर्नेमा कञ्चनरूप-९ का राजेन्द्र यादव, शम्भुनाथ नगरपालिका ७ का फागु सदा, दिपेन सरदार , दिपेश सरदार र दिल कुमार सरदार रहेका छन् ।
उनीहरुलाई जरीवाना र कैद भुक्तानका लागि सप्तरी जिल्ला अदालत राजविराजमा उपस्थित गराइएको जिल्ला प्रहरी कार्यालय सप्तरीका प्रहरी निरीक्षक उदय कुमार राईले जानकारी दिनुभयो ।
विज्ञापन
