कञ्चनरूप, भदौ २७ गते । सप्तरीमा ९ किलोभन्दा बढी लागूऔषध गाँजासहित एक जना पक्राउ परेका छन्।
सशस्त्र प्रहरी बल, नेपाल बीओपी बनैनिया सप्तरी र अन्य सुरक्षा निकायको संयुक्त टोलीले विशेष सूचनाका आधारमा राजगढ गाउँपालिका–३, झौरास्थित एक घरमा खानतलासी गरेको थियो।
खानतलासीका क्रममा ९ किलो १०० ग्राम लागूऔषध गाँजा बरामद भएपछि एक जनालाई नियन्त्रणमा लिइएको सशस्त्र प्रहरीले जनाएको छ।
पक्राउ परेका व्यक्तिलाई बरामद गाँजासहित आवश्यक अनुसन्धान तथा कारबाहीका लागि सम्बन्धित निकायमा बुझाइएको जनाइएको छ।
