सप्तरी प्रहरीद्वारा ४ सय ५० गाँजाको बोट फडानी गरि नष्ट

कञ्चनरुप (सप्तरी), २७ मंसिर । लागुऔषध गाँजा नष्ट गर्ने अभियान अन्तर्गत सप्तरी प्रहरीले जिल्लाको विभिन्न स्थानमा अवैधरुपमा लगाएको ४ सय बढी गाँजाको बोट फडानी गरी नष्ट गरेको छ।
ईलाका प्रहरी कार्यालय हनुमाननगर र ईलाका प्रहरी कार्यालय महुलिबाट खटिएको टोलीले तिलाठी कोईलाडी गाउँपालिका वडा नं. ८ स्थितमा अवैध रुपमा लगाएको २५० र अग्निसाईर कृष्णसवरण गाउँपालिका वडा नं. ४ बेलहा टोलमा लगाएको २०० बोट गरी जम्मा ४५० बोट गाँजा फडानी गरी जलाई नष्ट गरिएको जिल्ला प्रहरी कार्यालय सप्तरीले जनाएको छ ।
गाँजा तयार हुन नदिने नीतिअनुसार प्रत्येक वर्ष जस्तै यस वर्ष पनि प्रहरीले फडानी कार्यलाई निरन्तरता दिएको सप्तरीका प्रहरी प्रबक्ता प्रहरी नायव उपरीक्षक नरेश कुमार सिंहले बताए ।