कञ्चनरुप, १ श्रावण । खाल्डोमा जमेको पानीमा डुबेर सप्तरीमा एक ८ वर्षीय बालकको मृत्यु भएको छ ।
सोमबार दिउँसो जिल्लाको तिलाठी कोइलाडी गाउँपालिका ७ स्थित लक्ष्मी वल्लभ नर्सिङ्ग माध्यमिक विद्यालयको छेउमा खनिएको खाल्डोमा डुबेर स्थानीय महादेव खंगको ८ वर्षीय छोरा गोविन्द खंगको मृत्यु भएको हो ।
खेतमा धान रोप्न गएका आमासंगै उक्त ठाउँ पुगेका बालक विद्यालयको पूर्वाधार निर्माण कार्य गर्ने क्रममा खनिएको खाल्डोमा जमेको पानीमा डुबेर मृत्यु भएको स्थानीय नविन यादवले बताए ।
बालकको शव परीक्षणका लागि राजविराज स्थित गजेन्द्रनारायण सिंह अस्पताल पठाएको तथा घटना बारे थप अनुसन्धान भइरहेको सप्तरी प्रहरीले जनाएको छ ।
विज्ञापन
