सम्पूर्ण देश विदेशमा रहनुहुने नेपाली मुस्लिम दाजुभाइ दिदीबहिनीहरुमा ईद उल फितर रमजानको शुभकामना व्यक्त गर्दछु ।
देशको परस्थितिलाई मध्यनजर गर्दै सम्पूर्ण मुस्लिम समुदायले यस वर्ष ईदका दिन सामाजिक दुरी र स्वास्थ्यको मापदण्ड पालना गर्दै सामूहिक नभई घरमै बसेर नमाज पढ्न अपिल गर्दछु ।
साथै रमजान महिनाको अन्त्यमा मनाइने मुख्य पर्व ईदुल फित्रका दिन ईदगाह मैदान, मस्जिद र मदरसामा गएर सामूहिक नमाज पढ्ने गरिन्छ । तर यस वर्ष कोरोना भाइरस (कोभिड १९) को दोस्रो महामारीको स्थितिलाई ध्यानमा राखि ईद पर्व घरमै बसेर मनाउन आग्रह समेत गर्दछु ।
आफू पनि सुरक्षीत रहँदै अरुलाई पनि सुरक्षित बनाऔं , कोरोरानाको महामारीलाई मध्यनजर गर्दै ईदको नमाज पढेपछि छरछिमेकमा पुगी एकअर्कामा शुभकामना आदान प्रदान नगर्न समेत आग्रह गर्दछु ।
साथै नगर उपप्रमुख आशा चौधरी अस्वस्थ्य हुनुभएकोले सम्पूर्ण सप्तकोशी नगरपालिका परिवार तथा नगरबासीको तर्फबाट उहाँको शिघ्र स्वास्थ्य लाभको कामना समेत गर्दछौँ । त्यसैगरी सम्पूर्ण नगरबासी तथा नेपालीहरुको शिघ्र स्वास्थ्य लाभको कामना गर्दछु ।
उत्तम कुमार गौतम
नगर प्रमुख
सप्तकोशी नगरपालिका
फत्तेपुर, सप्तरी ।
