लागूऔषध ब्राउन सुगर सहित एक युवक पक्राउ

विराटनगर । मोरङ प्रहरीले बिराटनगर महानगरपालिका २ दुर्गा चौक स्थितबाट लागूऔषध ब्राउन सुगर सहित एक जनालाई पक्राउ गरेको छ । पक्राउ पर्नेमा मोरङ पथरी शनिश्चरे ६ का २३ वर्षीय निरज गोडी रहेका छन् ।
लागूऔषध नियन्त्रण ब्यूरो विराटनगरबाट खटिएको प्रहरी टोलीले आइतवार बेलुका ४ः३० बजे उनलाई लागूऔषध ब्राउन सुगर ८ ग्राम सहित पक्राउ गरेको हो ।
पक्राउ परेका गोडीलाई जिल्ला प्रहरी कार्यालय मोरङमा राखि थप अनुसन्धान भइरहेको प्रहरीले जनाएको छ ।