काठमाण्डौ । प्रहरीको साइवर ब्युरोले युट्युव च्यानलमा अश्लील शीर्षक राखेर समाजमा अश्लीलता फैलाउने काम गरेको भन्दै एक जनालाई पक्राउ गरेको छ ।
पक्राउ पर्नेमा कालीकोटको पताँला झरना गाउँपालिका घर भएका भरतबहादुर तिरुवा रहेका छन् ।
प्रहरीले उनलाई ‘टेन्सन ब्रो’ नामक युट्युब च्यानलबाट विभिन्न सामाजिक सञ्जालमा अश्लील शीर्षकमा भिडियो राखेको आरोपमा गत शुक्रवार पक्राउ गरेको हो ।
पक्राउ परेका उनलाई काठमाण्डौ जिल्ला अदालतबाट ५ दिनको म्याद थप गरी अनुसन्धान भइरहेको प्रहरीले जनाएको छ ।
Add Comment