मोरङ, असार १३ गते । प्रहरीले मोरङको सुन्दरहरैचा नगरपालिका ५ बुढिपुल स्थितबाट आइतबार बेलुका लागुऔषध गाँजा सहित ३ जनालाई पक्राउ गरेको छ ।
पक्राउ पर्नेमा धनकुटा सागुरिगढी गाउँपालिका ८ का ३० वर्षीय सुरेन्द्र राई , २९ वर्षीय मिलन राई र २९ वर्षीय बाला राई रहेका छन् ।
जिल्ला प्रहरी कार्यालय मोरङ र अस्थाई प्रहरी पोष्ट बलियाबाट खटिएको प्रहरी टोलीले शंकास्पद रुपमा बसिरहेका उनीहरुलाई चेकजाँच गर्ने क्रममा पक्राउ गरेको जिल्ला प्रहरी कार्यालय मोरङले जनाएको छ ।
उनीहरुको साथबाट जेब्रा झोलामा लुकाई छिपाई राखेको लागुऔषध ८ किलोग्राम गाँजासहित प्रहरीले नियन्त्रणमा लिएको हो ।
पक्राउ परेका तीनै जनालाई ईलाका प्रहरी कार्यालय बेलबारीमा राखी थप अनुसन्धान भईरहेको जनाइएको छ ।
विज्ञापन
