सुनसरी, माघ ६ गते । धरान उपमहानगरपालिका ५ स्थितबाट खुकुरी प्रहार गरी हत्यामा संलग्न १ जनालाई प्रहरीले पक्राउ गरेको छ । पक्राउ पर्नेमा धरान ५ का ३५ वर्षीय बिकास भनिने हर्क बहादुर राई रहेका छन ।
बिहीबार बिहान राईले छिमेकी ४९ वर्षीय कुमार बुडाथोकीलाई सामान्य बिवादका कारण खुकुरी प्रहार गर्दा बुढाथोकीको घटना स्थलमा नै मृत्यु भएको जिल्ला प्रहरी कार्यालय सुनसरीले जनाएको छ । राईले स्थानिय ३५ वर्षीया गोमा खडकालाई समेत खुकुरी प्रहार गरी घाईते बनाएका छन् । घाईते गोमा खडकाको धरान घोपामा उपचार भईरहेको छ ।
इलाका प्रहरी कार्यालय धरानले खुकुरी प्रहार गरी छिमेकीको हत्या गर्ने राईलाई पक्राउ गरी थप अनुसन्धान गरीरहेको जनाएको छ ।
विज्ञापन
