सोमबार, १ मंसिर २०८३ राशिफल पात्रो विनिमय दर
सप्तरी, मधेस र देशभरका ताजा खबर सोमबार, १ मंसिर २०८३
समाज

सप्तरीमा बाख्रा खोज्न जंगल पुगेका वृद्धको हात्तीको आक्रमणबाट मृत्यु

सांकेतिक तस्बिर AI

कञ्चनरूप, ३० कार्तिक । सप्तरीको सुरुङ्गा नगरपालिका–४ विरनगरमा जंगली हात्तीको आक्रमणबाट एक वृद्धको ज्यान गएको छ ।

मृत्यु हुनेमा ७२ वर्षीय स्थानीय गोपी चौधरी रहेका छन् । आइतबार साँझ हराएको बाख्रा खोज्दै गाउँदेखि पूर्व–उत्तर दिशामा रहेको जंगल छेउमा पुगेका बेला उनी हात्तीको आक्रमणमा परेका हुन् ।

स्थानीयका अनुसार हात्तीले उनलाई लखेटेर आक्रमण गरेको थियो ।

हात्तीको आक्रमणबाट गम्भीर घाइते भएका चौधरीलाई तत्काल उपचारका लागि प्रादेशिक अस्पताल लहान लगिएको थियो । तर, उपचारकै क्रममा चिकित्सकले उनलाई मृत घोषणा गरेका थिए ।

घटनापछि स्थानीय क्षेत्रमा त्रास फैलिएको छ । जंगल आसपासका बस्तीमा जंगली हात्तीको आवतजावत बढ्दै गएपछि स्थानीय बासिन्दा जोखिममा परेका छन्।

विज्ञापनAdmizz Education — IELTS, PTE, Duolingo, SAT
यो समाचार सेयर गर्नुहोस्

सम्बन्धित समाचार

सबै हेर्नुहोस्
विज्ञापन · 320 × 50—विज्ञापनको लागिसम्पर्क: 9814728171, 9842928333

You cannot copy content of this page