कञ्चनरुप, ३० पुस । जिल्ला प्रशान कार्यालय सप्तरीले जिल्लाको कञ्चनरुप नगरपालिकामा शनिबार ठण्डिपिडितहरुलाई ३० थान सिरक वितरण गरेको छ । कञ्चनरुप नगरपालिका वडा नम्बर ३ बरमझिया स्थिति मुसहर बस्तीका अति विपन्न , एक महिला र अपांगता भएका व्यक्तिहरुलाई सिरक प्रदान गरिएको हो ।
जिल्ला विपद व्यवस्थापन समितिका अध्यक्ष एवम् प्रमुख जिल्ला अधिकारी भूपेन्द्र थापा , कञ्चनरुप नगरपालिकाका प्रमुख ललन प्रसाद गुप्ता र सप्तरीका प्रमुख प्रहरी उपरीक्षक अविनारायण काफ्लेले ठण्डिपिडितहरुलाई सिरक वितरण गर्नुभयो ।
प्रजिअ थापाको अध्यक्षतामा आयोजित कार्यक्रममा कञ्चनरुप नगरपालिका नगर प्रमुख ललन प्रसाद गुप्ताको प्रमुख आतित्य रहेको थियो ।
उक्त अवसरमा जाडोबाट जोगिने उपायको बारे सरोकारवालाहरुसंग अन्तरक्रिया समेत गरिएको जिल्ला विपद व्यवस्थापन समितिले जनाएको छ । शितलहर प्रतिकार्य स्वरुप न्यानो कपडा वितरण कार्यक्रम अन्तर्गत प्रहरी उपरीक्षक काफ्ले लगायतका जनप्रतिनिधि र स्थानीयबासीहरुको उपस्थिति रहेको थियो ।
Add Comment