कञ्चनरुप, १९ श्रावण । सप्तरीमा करेन्ट लागेर एक जनाको मृत्यु भएको छ । मृत्यु हुनेमा जिल्लाको राजगढ गाउँपालिका ६ फकिराका चुनि साह तेलीको ५८ वर्षीया श्रीमती दुर्गी देवी साह रहेको सप्तरी प्रहरीले जनाएको छ ।
बिहिवार खेतमा मोटरबाट पानी पटाउने क्रममा उनलाई करेन्ट लागेको थियो । करेन्ट लागेर घाइते भएकी साहको राजविराज स्थित गजेन्द्र नारायण सिंह अस्पतालमा उपचारको क्रममा मृत्यु भएको प्रहरीले जनाएको छ ।
घटना सम्बन्धमा थप अनुसन्धान कार्य भईरहेको सप्तरीका प्रहरी प्रबक्ता डिएसपी नरेश कुमार सिंहले जानकारी दिए ।
विज्ञापन
