कञ्चनरुप, ६ फागुन । जिल्ला प्रहरी कार्यालय राजविराजले कपडा तथा किराना सामानसहितका अवैध रूपमा भित्र्याइएका सामग्री नियन्त्रणमा लिएको जनाएको छ।
कार्यालयद्वारा जारी प्रेस विज्ञप्तिअनुसार विभिन्न मिति र समयमा भारतबाट भन्सार छलि अवैध रूपमा ल्याइएका कपडा तथा किराना सामानहरू प्रहरी टोलीले नियन्त्रणमा लिएको हो।
बरामद गरिएका सामग्रीको अनुमानित मूल्य करिब ४ लाख ३९ हजार २३० रुपैयाँ रहेको उल्लेख गरिएको छ।
नियन्त्रणमा लिइएका उक्त सामानहरू आवश्यक कारबाहीका लागि सम्बन्धित भन्सार कार्यालयमा बुझाइएको जिल्ला प्रहरी कार्यालय सप्तरीले जनाएको छ।
