कञ्चनरुप (सप्तरी) , साउन २४ गते । सप्तरीमा ट्यांकरको ठक्करबाट एक ६५ वर्षीया महिलाको मृत्यु भएको छ ।
जिल्लाको शम्भुनाथ नगरपालिका–६ कठौनामा ट्यांकरको ठक्करबाट बाराको आदर्श कोतवाल गाउँपालिका ३ की ६५ वर्षीया मलादेवी गिरीको मृत्यु भएको सप्तरी प्रहरीले जनाएको छ ।
ना ४ ख २८०० नम्बरको बसबाट ओर्लिएर सडक पार गर्दै गरेकी उनलाई पूर्वबाट पश्चिमतर्फ जाँदै गरेको ना ४ ख २४४१ नम्बरको ट्यांकरले शनिवार राती ९ बजे ठक्कर दिएको थियो ।
उपचारको लागि रुपनीस्थित युनिक अस्पताल पु¥याउना साथ गिरीलाई चिकित्सकले मृत घोषणा गरेका थिए ।
ठक्कर दिने ट्याङ्कर र ट्याङ्कर चालक मोरङ्गको विराटनगर महानगरपालिका–४ खाडीकोबरा बस्ने ४५ वर्षीय गणेश मंडललाई रुपनी प्रहरीले नियन्त्रणमा लिएको छ। शवलाई पोष्टमार्टमका लागि राजविराजस्थित गजेन्द्रनारायण सिंह अस्पतालमा राखिएको छ।
Add Comment