कञ्चनरुप, १६ असार । सप्तरीको कञ्चनरुपमा विषालु सर्पले डसेर शनिबार एक बालकको मृत्यु भएको छ ।
कञ्चनरुप नगरपालिका –१२, चर्खिया बस्ने जोगेन्द्र रामको पाँच वर्षीय छोरा राहुल रामको विषालु सर्पले टोकेर मृत्यु भएको हो ।
स्थानिय प्रमोद मण्डलका अनुसार शनिबार बिहान ५ बजे घरमा सुतेकै अवस्थामा बालकलाई सर्पले डसेको थियो । सर्पले डसेको थाहा पाएपछि उपचारका लागि बालकलाई धरान स्थित विपि कोइराला स्वास्थ्य विज्ञान प्रतिष्ठान घोपा लग्दै गर्दा बाटोमा नै मृत्यु भएको मण्डलले जानकारी दिनुभयो ।
गर्मी अत्यधिक बढेसँगै अहिले सर्पको बिगबिगी बढिरहेको छ । गर्मीयाममा विषालु सर्पको बिगबिगी हुने भएकाले सावधानी अपनाउन जरुरी रहेको छ ।
विज्ञापन
