मंगलबार, २ मंसिर २०८३ राशिफल पात्रो विनिमय दर
सप्तरी, मधेस र देशभरका ताजा खबर मंगलबार, २ मंसिर २०८३
समाज

अग्रज समाजसेवी देवीप्रसाद संग्रौलाको ९३ वर्षको उमेरमा निधन, गाउँ शोकमग्न

कञ्चनरूप, १ मंसिर । सप्तरीको कञ्चनरूप नगरपालिका–१२ रूपनगरस्थित प्रगति टोल निवासी अग्रज समाजसेवी देवीप्रसाद संग्रौलाको ९३ वर्षको उमेरमा निधन भएको छ । मंगलबार साँझ उहाँको निधन भएपछि सिङ्गो गाउँ शोकमा डुबेको छ ।

गाउँका अभिभावकका रूपमा परिचित संग्रौला सरल स्वभाव, परोपकारी भावना तथा सामाजिक सेवामा समर्पित व्यक्तित्व हुनुहुन्थ्यो । उहाँले स्थानीय स्तरको सामाजिक विकास तथा विभिन्न धार्मिक कार्यमा महत्वपूर्ण योगदान पुर्‍याउनुभएको थियो ।

उहाँको निधनको खबरले छिमेकी, आफन्त तथा स्थानीय बासिन्दाहरू स्तब्ध भएका छन् । संग्रौलाको निधनले गाउँले एक अभिभावक तथा समाजसेवी व्यक्तित्व गुमाएको स्थानीयको भनाइ छ ।

पारिवारिक स्रोतका अनुसार स्वर्गीय संग्रौलाको पार्थिव शरीरलाई बुधबार बिहान कोशी घाटमा लगेर धार्मिक परम्पराअनुसार अन्तिम दाहसंस्कार गरिने भएको छ ।

स्वर्गीय संग्रौलाका २ छोरा, २ बुहारी र ८ छोरी रहेका छन् ।

विज्ञापनAdmizz Education — IELTS, PTE, Duolingo, SAT
यो समाचार सेयर गर्नुहोस्

सम्बन्धित समाचार

सबै हेर्नुहोस्
विज्ञापन · 320 × 50—विज्ञापनको लागिसम्पर्क: 9814728171, 9842928333

You cannot copy content of this page