सानाकिसान कृषि सहकारी संस्था हरिहरपुरका १० जना उत्कृष्ट व्यक्ति सम्मानित

बृजमान तामाङ /
चाँदनी बजार, ३० पुस । सप्तरीको अग्निसाईर कृष्णासवरन गाउँपालिका ३ स्थित हरिहरपुरमा संचालित सानाकिसान कृषि सहकारी संस्थाले १० जनालाई सम्मान गरेको छ ।
संस्थाको १२ औं बार्षिक साधारणसभाको अबस्थामा शनिबार आयोजित एक समारोहका विच संस्थाका उत्कृष्ट तथा असल ऋणिलाई सम्मान गरेको हो ।
सम्मानित हुनेहरुमा रंजिता कुमारी चौधरी, राजोदेवी साफी, मनु चौधरी, सृजना चौधरी, मिश्रीलाल चौधरी, दुरोदेवी यादव, ईन्द्रावती राम, हजारा खातुन, निरु जोशी र रविन्द्र कुमार जोशी रहेका छन् ।

उनीहरुलाई विषादी छर्कने स्प्रे प्रदान गरि माला टीका लगाएर सम्मान गरिएको थियो । संस्थामा उत्कृष्ट कारोबार गरेकाले असल ॠणिको रुपमा उनीहरुलाई सम्मान गरिएको संस्थाका प्रबन्ध आशा कुमारी चौधरीले जानकारी दिईन ।