कञ्चनरुप । अग्नीसाईर कृष्णासवरन गाउँपालिकाको सहयोगमा र स्पाईरल फार्म हाउसको आयोजनामा गाउँपालिकाका किसानहरुलाई अर्गानिक खेती तर्फ आकर्षित गर्नका लागि ६ वटै वडाहरुमा ३ दिने बायोडायनामिक अर्गानिक खेति प्रवद्र्धन कार्यक्रम सम्पन्न भएको छ ।
वडा नं. ६ मा संचालन भएको ३ दिने कार्यक्रमको समापन तथा सहभागि किसानहरुलाई प्रमाणपत्र वितरण कार्यक्रममा कार्यक्रमका प्रमुख अतिथि अग्नीसाईर कृष्णासवरन गाउँपालिका अध्यक्ष परशुराम चौधरीले तालिममा सहभागि किसानहरुलाई प्रमाण पत्र वितरण गर्दै अर्गानिक खेति स्वास्थ्यको लागि र आउने पुस्ताका लागि महत्वपूर्ण रहेकोले किसानहरुले तालिममा सिकेका कुरालाई व्यवहारमा उतार्न आग्रह गर्दै भन्नुभयो “यदि तपाई किसानहरुले साथ र सहयोग दिनुभयो भने हामीले यस गाउँपालिकालाई प्रदेश नं.२ को पहिलो अर्गानिक गाउँपालिका बनाउन आवश्यक कार्यक्रम ल्याउने छौं”।
![](https://kanchanrupnews.com/wp-content/uploads/2021/06/IMG_6218-1024x768.jpg)
![](https://kanchanrupnews.com/wp-content/uploads/2021/06/IMG_6218-1024x768.jpg)
उहाँले कार्यक्रम आयोजक फार्म हाउसका डाईरेक्टर सुदर्शन चौधरी लगायत उहाँको टिमका साथीहरुले अर्गानिक खेतिमा गरेको मेहनतको प्रशंसा गर्दै उहाँहरुको पटक पटकको आग्रह र प्रयासले यस्तो महत्वपूर्ण कार्यक्रम गाउँपालिकालाई बनाउन लगाएकोमा धन्यबाद समेत दिनुभयो ।
कार्यक्रम गाउँपालिकाको ६ वटै वडाहरुमा संचालन गरिएको थियो । जसमा प्रत्येक वडामा ३०÷३० जना कृषकहरु गरी १८० जना भन्दा बढी कृषकहरु सहभागि भएको आयोजक संस्थाका डाईरेक्टर चौधरीले जानकारी गराउनु भयो ।
कार्यक्रममा किसानहरुलाई अर्गानिक खेतिको आवश्यकता, महत्व, अर्गानिक तरिकाबाट रोगकिराको नियन्त्रण तथा अर्गानिक खेति कसरी गर्ने बिषयमा जानकारी गराईएको थियो ।
![](https://kanchanrupnews.com/wp-content/uploads/2021/06/IMG_6297-1024x768.jpg)
![](https://kanchanrupnews.com/wp-content/uploads/2021/06/IMG_6297-1024x768.jpg)
समापन कार्यक्रममा स्थानीय शिक्षक रमानन्द लेखी, रतवाला विद्यालय व्यवस्थापन समितिका अध्यक्ष देवकान्त चौधरी र वडा नं.६ का सदस्य धनजीत प्रसाद चौधरी लगायतकाले सहभागि किसानहरुलाई शुभकामना दिनुभएको थियो ।
![](https://kanchanrupnews.com/wp-content/uploads/2021/06/IMG_6215-1024x768.jpg)
![](https://kanchanrupnews.com/wp-content/uploads/2021/06/IMG_6215-1024x768.jpg)
![](https://kanchanrupnews.com/wp-content/uploads/2023/07/md.png)
![](https://kanchanrupnews.com/wp-content/uploads/2023/07/md.png)
![](https://kanchanrupnews.com/wp-content/uploads/2023/07/358599309_657060879775461_8596056188687646554_n-1.jpg)
![](https://kanchanrupnews.com/wp-content/uploads/2023/07/358599309_657060879775461_8596056188687646554_n-1.jpg)
Add Comment